Fiks Fare arriti të hyjë në një shtëpi shumë të vjetër dhe të pabanuar në të cilën proçesi i tharjes dhe i përpunimit të bimës së kanabisit kryhej në 3 faza për gati 15 ditë. Faza e parë kryhej në një prej ambjenteve të jashtme të kësaj shtëpie, ku ndodheshin të varura me qidra degë të bimës narkotike të cilat më parë kalonin në proçesin e tharjes natyrale për të bërë më të lehtë nadrjen e boçes nga dega. Për të kaluar më pas në fazën e dytë në njërën prej dhomave me oxhak të këtij objekti të vjetër, ku mbi disa susta shtretërish ishin shtruar vetëm një pjesë e boçeve të bimës së pastruar, ku për t'i kaluar një tharje më të thelluar vinin në ndihmë 2 vendilatorë të ndezur. Faza e tretë dhe përfundimtare ishte ajo e grumbullimit në një vend e të gjithë sasisë së përpunuar më parë dhe paketimi i saj në thasë të ndryshëm, ku me sy të lirë, rreth 50 kilogramë kanabis-sativa ishin gati për t'i kaluar tregut të zi.