Brian Spahiu, vetëm 3 vjeç humbi jetën 4 ditë më parë, por vetëm ditën e djeshme rasti u bë i njohur për të gjithë. Përpara 4 ditëve vogëlushi iu nënshtrua një ndërhyrjeje dentare në klinikën e Roland dhe Ina Xhaxhos, atë e bijë. Ai iu nënshtrua një anestezie totale, dhe ndërroi jetë në mbrëmje në pediatrinë e QSUT. Ditën e djeshme kjo ngjarje ishte kryefjala mediatike, ku familjarët e djalit kanë hedhur akuza në drejtim të dyve. Ata e akuzojnë Xhaxhon se i ka dhënë 3 vjeçarit një mbidozë anestezie, duke i nxjerrë mëlçinë jashtë funksioni, dhe me këtë pretendim kërkojnë drejtësi kundrejt tij. Mjeku theu heshtjen për herë të parë mbrëmjen e djeshme në emisionin Top Story në Top Channel, ku shprehu ngushëllimet e tij për familjen, duke deklaruar se me Brianin ka vepruar brenda të gjithë procedurave protokollare. Gazetare: Ema Shazivari