Emisioni Fiks Fare solli rastin e një fabrike përpunimi bimësh medicinale në Malësi të Madhe, e cila sipas tyre mbetjet i grumbullon dhe djeg në një fushë afër fabrikës. Sipërfaqe e cila është zonë e mbrojtur e Liqenit të Shkodrës. Banorët tregojnë se ndotja e mjedisit kur digjen mbetjet është e madhe. Madje një anëtar i këshillit bashkiak në Malësi të Madhe, Arben Hasa, tregon se këtë shqetësim do ta ngrejë edhe në mbledhjen e ardhshme të këshillit bashkiak. Ai thotë që banorët e kanë këtë shqetësim të vazhdueshëm. Përfaqësuesi i subjektit tregon se mbetjet nuk i djeg subjekti, por banorët. Madje ai tregon se ka marrë një leje tani që i ka pritshmëritë se do kalojë 50 ton mbetje në ditë. Ndërkohë që tjetër gjë thotë Agjencia e Zonave të Mbrojtura Shkodër. Në një shkresë zyrtarë për emisionin Fiks Fare ky institucion thotë se e ka pezulluar edhe njëherë aktivitetin e këtij subjekti, për djegien e mbetjeve