Emisioni Fiks Fare sjell një rrëfim ekskluziv dhe thellësisht prekës. Xhetan Ndregjoni tregon betejën 12-vjeçare për të shpëtuar mbesën e tij, Eva Dumanin, nga kampi famëkeq Al Hol në Siri. Mes lotësh, ai rrëfen përpjekjet e panumërta për të hyrë në Siri përmes Turqisë, 12 tentativa në pika kufitare, rrezikun e arrestimit dhe momentin kur Eva i tha se kishte vetëm “oriz dhe vaj për një muaj”. Ishte ai çast që e bëri të vendoste: nuk do të dorëzohej kurrë. Një histori sakrifice, dhimbjeje dhe force, ku përfshihet edhe humbja tragjike e gjyshes së Evës, e cila ndërroi jetë në kamp pasi kishte shkuar për të shpëtuar nipërit.