Në Sektor Zhame,Lushnje jeton familja Baci e cila ka një hallë të madh. Prej më shumë se një viti zonja e shtëpisë pas një operacioni në veshka kryen shërbimin e dilizës 3 herë në javë. Ata i janë drejtuar Fiks Fare pasi nuk ia dalin dot me shpenzimet që i heqin vetë si burrë e grua vetëm nga pensioni që marrin. Hidajetja prej një muaji është paralizuar duke e vështirësua më shumë situatën. Ajo nuk mund të lëvizë madje edhe ushqimin e merr nëpërmjet tubave. Tre herë në javë në këtë gjendje ajo duhet të kryej shërbimin e dializës në Spitalin Rajonal Fier, pasi ai i Lushnjes nuk e ofron si shërbim. Në këto kushte familjarët detyrohen të marrin një makinë me qira ditore 4000 lekë që nisen në ora 6 të mëngjesit dhe kthehen në shtëpi në ora 11:00. Plus makinës me qira u duhet edhe ndihmë njerëzore, pasi e sëmura e paralizuar duhet të ngarkohet e lëvizë me barrelë. Kësaj paciente nuk i është ofruar asnjë ndihmë për transportin e saj apo mbulim financiar të këtij transporti, përveç rimbursimit prej 4600 lekësh në muaj , ndërkohë që në një javë ajo shpenzon 12 mijë lekë