Egëzon Vatovci është vetëm 26 vjeç dhe vjen nga qyteti I Vushtrisë në Kosovë. Pavarësisht shtatit të shkurtër, ai I kushtoi shumë vëmendje basketbollit për 18 vite të jetës së tij, me shpresën se do ta zhvillonte nga ana trupore. Ndonëse ai vuan nga gjendja e nanizmit, Egëzoni nuk ka ndaluar së punuari me veten. Tashmë, ai e cilëson veten si një ish-basketbollist dhe thotë se luan ping-pong, ndërsa pret të ndërkombëtarizohet, për të luajtur edhe jashtë Kosovës. Si sportist ka fituar disa medalje, teksa është edhe pjesë e Komitetit Paralimpik të Kosovës! Megjithatë, karriera dhe jeta e Egëzonit nuk ka qenë e lehtë. Gjatë ushtrimit të basketbollit, ai është përballur me sfida për shkak të shtatit të shkurtër. Gjatë lojës, atë e kanë bullizuar dhe ofenduar tifozët. Përpos kësaj, Egëzoni nuk e ka humbur pozitivitetin dhe ka vijuar të ushtrojë profesionin dhe të vijojë jetën e tij i qetë. Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj