Gazetarja jonë Rudina Muça biseduar me një 29-vjeçare, nënë e tre fëmijëve, e cila tre vite më parë u verbua. Bukurie Sade, është nënë e tre fëmijëve. Tre vite më pare, 29-vjeçares nga Cërriku, iu dëmtua shikimi aq rëndë sa nuk arrin të shohë fëmijët. Djalin dhe vajzën e madhe për herë të fundit i ka pare, para se të sëmurej. Ndërsa djalit të vogël, Bukuria i di vetëm emrin. Ajo nuk e di se sa i bukur është Amaris. “Unë nuk punoj jam në shtëpi, sepse nuk shoh nga sytë. Më kanë thënë që është një sëmundje e lindur dhe mund të kurohet me një operacion që kushton shumë lek. 4000 euro” , thotë Bukurie Sade. Bertin është 10 vjeç. Ai thotë se është një nxënës i dalluar. Pasi bën detyrat, ai nuk luan si fëmijët e tjerë, por kujdeset për nënën e tij. “Jam shumë keq sepse nuk e shoh do ta mamin kështu. Dua shumë që ajo të shohë, kjo është dëshira ime më e madhe.Jam shumë i mirë në shkollë, nxënës i dalluar. Pasi mësoj e ndihmoj mamin me punët e shtëpisë”. Në këtë familje askush nuk punon. Ndriçimi, kryefamiljari çdo ditë del në fshat me shpresën se dikush do ta thërrasë për punë. “Unë punoj me ditë ku të gjej. Kam problem nusen, skam para që t’i sjell shikimin. Ju lutem më ndihmoni”.