Eksperti për turizmin, Luan Dervishej, dhe gazetari Klevin Muka, analizuan në Top Talk Economy për turizmin në Shqipëri, i cili po shihet si një vend luksoz për të bërë pushime. Sipas tyre të huajt zgjedhin Shqipërinë, pasi kostot janë më të ulëta, krahasuar me bukuritë natyrore që ofron. E konsideruar si “Maldivet e Europës”, vendi ynë vijon të jetë me çmime më të ulëta krahasuar me vendet e tjera të rajonit, situatë që u komentua edhe nga ekspertët. Ata u ndalën edhe tek shpenzimet që bëjnë të huajt për pushime në vendin tonë, krahasur me buxhetin që përdorin shqiptarët për pushime. Programi "Top Talk" është emision i përditshëm që trajton tema aktuale në fushën e ekonomisë dhe biznesit. Me të ftuar të specializuar, analiza të thelluara dhe debate dinamike, programi sjell informacione të rëndësishme dhe opinione mbi zhvillimet më të fundit që ndikojnë në xhepat tanë, tregje dhe ekonomi.