Emisioni Fiks Fare ka trajtuar mbrëmjen e sotme, shqetësimin e një nëne, e cila ankohet për mënyrën se si trajtohet fëmija i saj 2 vjeç e gjysmë në çerdhen dhe kopshtin privat “Topshti”. Ajo e sinjalizuar nga një prind tjetër pretendon se fëmija është mbajtur për orë të tëra në krevat pa marrë pjesë në aktivitete me fëmijët e tjerë. Ky fakt, sipas saj, u konfirmua pasi pa pamjet e kamerave të sigurisë në institucion. Fëmija i saj mbahej në krevat pa marrë pjesë në aktivitete më fëmijët e tjerë, por vetëm duke i parë nga krevati ku lihej i shtrirë. Arsyeja e dhënë nga kopshti ishte se fëmija mund të lëndohej. Nëna gjatë kqyrjes së kamerave ka vënë re edhe një fëmjë tjetër që mbahej në karrocë për orë të tëra, kjo iu argumentua nga kopshti se mbahej i tillë pasi kafshonte fëmijët e tjerë. Kopshti e mohon duke thënë se kjo bëhet për të ruajtur fëmijën. Fiksi nga një investigim i kryer zbluoi se në Shqipëri nuk ka asnjë çerdhe private të licencuar.