Emisioni Fiks Fare ka sjell rastin e një emigranti në Greqi i cili është mashtruar nga një shqiptare atje. Manjola Thanasko i ka marrë atij 4 mijë e 500 euro që ta pajisë me dokumente greke, por që nuk e ka bërë. Ai tregon se ka dëgjuar se kjo shtetase ka mashtruar shumë emigrantë në Greqi, duke ju thënë se do i bëjë me dokumente në Greqi dhe duke ju marrë paratë. Z.Latifi kërkoi ndihmën e Fiksit që t’i kthehen paratë. “Unë nuk e kam denoncuar se nuk dua ta çoj në burg, unë dua të më kthejë paratë se i kam marrë borxhë ndaj kërkova ndihmën e Fiksit “ thotë Arbeni. Fiksi solli mesazhe të shumta mes qytetarit dhe Manjolës e cila kishte marrë përsipër të bënte me dokumente gjithë familjen shqiptare që ndodhej në shtetin Grek. Në të gjitha mesazhet ajo shtyn takimet për ditën e nesërme, takime që nuk u zhvilluan kurrë.