Emisioni investigativ Fiks Fare denoncon rastin e qytetarit Bujar Nallbani, i cili prej vitesh përballet me tarifa shërbimi për një apartament që e ka shitur që në vitin 2015. Edhe pse ai ka fituar gjyqin në Shkallën e Parë dhe në Apel, dhe detyrimet deri në vitin 2019 janë fshirë me vendim gjykate, sistemi i OSHEE vijon ta nxjerrë debitor për tarifa të akumuluara pas këtij vendimi. Sipas qytetarit, detyrimi ka shkuar në rreth 600 mijë lekë, ndërkohë që banesa ka kaluar prej kohësh në pronësi të blerësit, i cili madje ka hapur edhe 3 kontrata të tjera. Pas interesimit të Fiks Fare, OSHEE pranon se ka nisur një hetim të brendshëm për rastin dhe ka pezulluar debinë, duke verifikuar procedurat e ndjekura dhe hapjen e kontratave pa kontrollin e duhur.