Familja Feruni e përbërë prej 3 personash në Vranisht të Vlorës jeton në kushte të mjerueshme. Lule Feruni 65 vjeçare që në moshën 20 vjeçare ka kryer një operacion të vështirë në kokë për shkak të një infeksioni të rënde. Por ky operacion nuk e zgjidhi përfundimisht gjendjen e saj shëndetësore dhe duhet të pasohej nga një i dytë, por që Lulja nuk pranoi se nuk e përballonte dot. Në këto kushte ajo nuk ka qenë në gjendje të punojë dhe sot që është 65 vjeçe nuk ka asnjë të ardhur. Familja e përbërë prej saj , burrit dhe djalit jetojnë vetëm me 20 mijë lekë në muaj, pensioni i të shoqit. Edhe djali nuk është i punësuar pasi kujdeset për të ëmën. Shtëpia ku jetojnë është e mbuluar me llamarina dhe më shumë mundime kanë mundur që me mur guri të ndërtojnë një banjo primitive në oborr. Të vetme pajisje elektroshtëpiake që kanë në shtëpi është një frigorifer i cili është bosh. Zonja Lule ka dhe një list me ilaçe që duhet të marr çdo muaj dhë këto nuk i rimbursohen. Kështu që shumicën prej tyre nuk e marrim pohon i biri se kushtojnë.