Zhvillime të rëndësishme sa i përket dosjes “21 janari”. Ish-presidenti i Republikës, Ilir Meta, do të merret në pyetje nga ana e prokurorit Alfred Shehu, që po heton këtë çështje për llogari të Prokurorisë së Posacme. Kreu i Partisë së Lirisë, Ilir Meta, do të paraqitet pranë SPAK në orën 10:00 duke lënë ambientet e paraburgimit për pak kohë. Ai ka shprehur vullnetarisht dëshirën për tu pyetur në lidhje me këtë dosje si një person që ka dijeni për ngjarjen. Meta nëpërmjet avokatit të tij, Kujtim Cakrani, i ka kërkuar me 25 nëntor Spakut që të merret në pyetje. Prokuroria e Posacme po e heton këtë çështje prej korrikut të vitit të kaluar, ndërsa janë pyetur dhe figura të rëndësishme politike. Ish ministri i Brendshëm, Lulzim Basha, e më pas ish Kryeministri, Sali Berisha, janë dy figurat kryesore që janë thirrur për tu pyetur deri më tani. Kujtojmë se në protestën e 21 janarit 2011 u vranë 4 persona.