Fiks Fare denoncoi një skandal me një procedurë prokurimi të bërë nga Bashkia e Vlorës, e cila dyshohet se paracaktoi fituesin për blerje makina elektrike. Kjo bashki u dërgoi disa firmave një dokument “ftesë për ofertë”, ku kërkonte të studionte tregun. Por, në këtë dokument kjo bashki ka kërkuar edhe specifikime të sakta se çfarë kërkon, të dhëna që i ka vetëm një kompani në treg. Redaksia e emisionit investigativ siguroi këtë dokument, të cilën e ka emërtuar “mbi marrjen e ofertave për ‘blerje makina elektrike’, sipas specifikimeve të kërkuara”. Kjo bashki ka kёrkuar edhe specifikime tё sakta. Bashkia shkruan se blerja ёshtё parashikuar sipas vendimit tё Kёshillit Bashkiak tё muajit mars 2024, ku parashikon njё fond 20 milionё lekё. Nё tё njёjtin dokument, Bashkia e Vlorës shkruan se kёrkon një makine elektrike sipas kritereve të mëposhtme. Tё jetё mjet me 0 kilometra, i vitit 2024. Kapaciteti i baterisё 86, sistemi i rikuperimit të energjisë më pak se 30% dhe mjeti tё bёjё 642 kilometra. Koha e karikimit të shpejtë të baterisë 38 min dhe koha e karikimit të ngadaltë të baterisë 8 orë. Por, qershia mbi tortё janё pajisjet e sigurisё. Nё kёto dokumente, Bashkia e Vlorёs kёrkon qё dritat e pasme tё jenё me “logon Skyëell”. Fiksi bёri njё vёzhgim dhe rezulton se “Skyëell” ёshtё njё kompani kineze qё prodhon makina elektrike. Kjo kompani ka edhe koncesionarin nё Shqipёri, madje reklamon nё internet edhe specifikimet e kёtyre automjeteve.