Për më shumë se një vit, banorët e zonës së Krastës në Elbasan jetuan nën frikën e rrëzimit të plepave të kalbur, të vulosur për prerje, por të lënë në harresë nga institucionet përgjegjëse. Megjithëse rreziku ishte konstatuar nga specialistët, asnjë ndërhyrje nuk u bë. Pemët ndodheshin pranë banesave, duke rrezikuar drejtpërdrejt jetën e banorëve dhe fëmijëve. Vetëm pas interesimit të emisionit investigativ “Fiks Fare”, institucionet u vunë në lëvizje dhe një nga pemët më të rrezikshme u pre menjëherë.