Kompania Bankers Petroleum Albania që shfrytëzon nëntokën më të pasur të shqiptarëve, deklaron humbje 2,7 mld lekë për vitin 2020. Nëse kompania do të rezultonte me fitim, do ti detyrohej shtetit shqiptar për atë vit1,6 mld lekë. Një nga kompanitë me të ardhurat më të mëdha në vend, e regjistruar në parajsë fiskale, Bankers ka shpërfytyruar bilancet për të mos paguar detyrimet ndaj shtetit. Të gjitha qeveritë e kanë imunizuar Bankersin. Kjo ka ndodhur që me nënshkrimin e marrëveshjes fillestare dhe ndryshimet e bëra ndër vite. Në vitin 2019 Tatimet gjobisin kompaninë me pronarë të rinj kinez për shmangie të akcizës me 94 mld lek. Gjoba ka mbetur pezull në zyrën e financave. Top Story ka fakte për këtë. Top Story gjithashtu disponon raportet e auditit të AKBN-së ndër vite që dokumentojnë mashtrimet me inventaret të kompanisë. Me nëntokën më të pasur, Shqipëria ka qytetarët më të varfër të Europës për nga të ardhurat dhe konsumi për frymë.