Babai i 26 vjecarit Ervis Zotaj, nje prej tre te akuzuarve te 52 vjeçares Drita Saliaj ne Gjerbës të Mallakastrës, kërkon dënim me vdekje për të birin . Ai thote se drejtësia duhet të zbardh sa më shpejt këtë ngjarje dhe të ndëshkoje autorët. I pyetur nga Top Channel për ngjarjen, babai i Ervisit, thotë se për të birin duhet dënim maksimal. “Ta vrasin. Nuk ma merr mendja se evlati im ta ketë bërë, por nëse e ka bërë le ta çojnë në mes të Mallakastrës dhe ta vrasë i zoti i hallit dhe ta hedhë atje ku hodhën atë (Drita Saliaj). I pyetur nëse ka frikë nga ndonjë hakmarrje, ai thotë se gjithcka mund të ndodhë por kërcënime nuk ka patur. Ndërkohë janë zbardhur rrethanat e vrasjes së gruas nga Mallakastra. Na dosja e plotë e Prokurorisë: OBJEKTI: Vleftësimin e ligjshëm të ndalimit; Caktim mase sigurimi personal “Arrest në burg”. TË NDALUAR: 1. Ervis Zotaj, i biri i Syrja dhe i Vjoleta, i datelindjes 06.11.1993, lindur ne Ballsh dhe banues ne fshatin Gjerebes, Njesia Administrative Aranitas, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal, mbrojtur nga mbrojtësi i caktuar Av. Elis Nakollari. 2. Sindi Shehaj, i biri i Tetem dhe i Etleva, i datelindjes 13.07.2003, lindur ne Fier dhe banues ne fshatin Çerrile, Njesia Administrative Fratar, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal mbrojtur nga mbrojtësi i caktuar Av. Genti Hema dhe asisituar nga psikologe Sonila Banushi. 3. Luis Saliaj, i biri i Ardian dhe i Mimoza, i datelindjes 14.07.2003, lindur ne Ballsh dhe banues ne fshatin Gjerebes, Njesia Administrative Aranitas, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal, mbrojtur nga mbrojtësi i caktuar Av. Besnik Gega dhe asisituar nga psikologe Sonila Banushi.