Autor: Edi Manushi Moderatorë: Edi Manushi, Fjoralba Ponari, Nevina Shtylla Rubrika: Jetmira Agalliu Shkolla ekselente "Hermann Gmeiner" u paraqit me tre aplikacione që nxënësit i kanë ndërtuar vetë. Aplikacioni më i rëndësishëm është “MyChild” që është i dobishëm për monitorimin e fëmijës dhe aktivitetit te tyre nga kudo në botë. Ky aplikacion ruan fshehurazi të gjitha dosjet e thirrjeve, detajet e mesazhit, listën e kontakteve dhe vendndodhjen e saktë pa lejen e fëmijëve ose pa dijeninë e tyre pasi ky aplikacion punon në background dhe përparësia e këtij programi është që dhe nëse fëmija e restarton telefonin, procesi vazhdon sapo telefoni ndizet, kështuqë procesi nuk mbaron kurrë. Ky aplikacion i dërgon të gjitha të dhënat nga telefoni i fëmijës në server dhe nga serveri tek telefoni i prindërve në çdo interval 10 minutash. Kjo kërkesë ndahet në 2 aplikacione, një është për prindin ku mund të shohin të gjitha aktivitetet e fëmijëve të tyre dhe një pjesë tjetër është Pjesa e Fëmijës, ku fëmija mund të shohë vetëm një kalkulator, ndërsa të dhënat janë marrë në background pa dijeninë e fëmijës . E veçanta e kësaj shkolle është se çdo maturant duhet të mbrojë një temë diplome.