Në studio; Anila Kati, piktore Anila Kati- Abstract, akrilik në kanavacë, 85x65 cm, çmimi fillestar 2000 euro Anila Kati është piktore shqiptare, e formuar artistikisht në vitet ’70, një kohë kur rinia shqiptare ëndërronte një jetë më të lirë dhe më afër botës perëndimore. Ajo u bë pjesë e jetës artistike që në moshë të re, duke marrë pjesë në xhirime filmike e muzikore që pasqyronin shpirtin e kohës, përfshirë klipin e këngës “Kur dëgjojmë zëra nga bota” të Françesk Radit. Përvoja e saj si pjesë e një brezi të lirë në shpirt, por të censuruar në realitet, përshkon edhe veprën e saj piktorike sot – një art i ndjeshëm, personal dhe i lidhur ngushtë me kujtesën dhe identitetin.