Institucionet e Posacme të drejtësisë nuk kanë një kupolë sistine, megjithatë sot doli tym i bardhë për kreun e ri të BKH. Jon Keta është përzgjedhur si pasuesi i Aida Hajnajs. Tre anëtarët e Komisionit përzgjedhjes në SPAK, Altin Dumani, Arben Kraja dhe Behar Dibra, kanë pasur një mbledhje sot në orën 14, ku pas një diskutimi prej thuajse 2 orësh përzgjodhën Jon Ketën. Ky është emri i propozuar drejt Keshillit të Lartë të Prokurorisë dhe më pas do të jetë ky institucion që do të votojë për ta miratuar ose jo në datën 2 dhjetor. Votim që shihet më tepër si formal. Keta mbante rolin e zv.drejtorit të BKH dhe si konkurrentë të forte në garë kishte Elton Kërlukun, oficer pranë kësaj strukture dhe Gledis Nanon, ish-drejtor i Policisë së Shtetit. BKH ishte pa drejtues që nga 1 shtatori pas largimit të Aida Hajnajt. Debatet për kreun e ri të BKH ka qenë i forte dhe mes antarëve të komisionit. Periudha tranzitore e strukturave të posacme nuk mbaron me zgjedhjen e Ketës si drejtor i BKH. Altin Dumani largohet më 18 dhjetori si kreu i SPAK, ndërkohë që Këshilli i Lartë i Prokurorisë ka përcaktuar datën 11 dhjetor për të dëgjuar Doloresa Musabelliu, Adnan Xholi, Klodian Braho dhe Elvin Gokaj, katër kandidatët që konkurrojnë për drejtimin e SPAK. Votimi do të bëhet po atë ditë kur do të pyetën. Kreu i ardhshëm i SPAK do të ketë mandat tre vjeçar, ashtu si Dumani dhe Arben Kraja para tij.