Ali Oseku- Peizazh pa titull, vaj në kanavacë, 207x156cm, viti 2009, çmimi fillestar 6000 euro. Kontaktoni në 00355686047773 I lindur në Tiranë në vitin 1944, ai u diplomua në Akademinë e Arteve të Bukura në Tiranë në vitin 1969. Pas një eksperience trevjeçare si skenografi dhe kostumografi në Teatrin e Operës, Tiranë, u dënua me dy vjet punë riedukimi. Më pas, Ali Oseku kaloi katër vjet në burgun famëkeq të Spaçit. Regjimi komunist e ndaloi të krijonte dhe ekspozonte veprat e tij të artit. Oseku u rikthye edhe më i fuqishëm, duke konfirmuar se asgjë nuk mund ta ndalojë një artist të vërtetë. Hapësira që krijon Ali Oseku e lejon atë të jetë i lirë dhe i pakufishëm, real dhe fluid, kozmik dhe joreal. Ai ikën nga ky realitet për të ekspozuar një realitet intim dhe poetik. Loja e kërkimit të ëndrrave e argëton atë si një fëmijë. Ai u nda nga jeta para katër ditësh në moshën 80 vjeçare. Kjo pjesë është një in memoriam për të, duke e sjellë për ju nëpërmjet një prej veprave më të mira të krijimtarisë së tij.