Nën masa të rrepta sigurie kanë hyrë sot në gjykatë 32 personat e arrestuar dy ditë më parë për trafikim të lëndëve narkotike. Pas përfundimit të seancës gjyqësore u vendos që: Për 27 prej tyre është dhënë masa “arrest me burg” kurse 5 të tjerë janë lënë në “arrest shtëpie”. Burime për Top Channel bëjnë me dije se një prej shtetasve të arrestuar nuk ka qenë prezent në sallë, teksa dhe për të është dhënë masa arrest me burg. Shtetasit Ismet Hyseni i ndryshoj masa nga arrest me burg ne arrest shtëpie. Arrestimi i këtyre personave ka ardhur pas një hetimi 6 mujor në qytetin e Vlorës. Përveç të arrestuarve janë shpallur në kërkim edhe 4 persona të tjerë që kanë lidhje me grupin kriminal. Të arrestuarit në Vlorë janë nga fshatrat Kuç, Kallarat, Tërbaç, Vranisht, , Bashaj, Poro por edhe nga Gjirokastra e Tirana. Njoftimi i bërë dje nga policia: U ekzekutuan masat e sigurisë “Arrest në burg”, për veprat penale “Prodhimi dhe shitja e narkotikëve” dhe “Kultivimi i bimëve narkotike” të kryera në bashkëpunim, për shtetasit: M. B., 56 vjeç, banues në Vlorë; A. J., 60 vjeç, banues në Vlorë; Sh. I., 64 vjeç, banues në Vlorë; D. T., 44 vjeç, banues në Poro, Vlorë; I. H., 63 vjeç, banues në Vlorë; M. M., 45 vjeç, banues në Vranisht, Himarë; B. G., 35 vjeç, banues në Kuç, Himarë; E. G., 35 vjeç, banues në Kuç, Himarë; S. L., 32 vjeç, banues në Kallarat, Himarë; B. R., 61 vjeç, banues në Kallarat, Himarë; Xh. Sh., 47 vjeç, banues në Kallarat, Himarë; H. Xh., 71 vjeç, banues në Kallarat, Himarë; A. D., 48 vjeç, banues në Gjirokastër; M. D., 29 vjeç banues në Fier.