Një situatë e papranueshme në Himarë! Prej më shumë se një viti, banorët e lagjes Cakua janë përballur me një problem serioz: rreth 70–100 dele dhe dhi të mbajtura pranë banesave, duke sjellë erë të rëndë, pleshta, miza dhe shqetësim të vazhdueshëm. Pavarësisht ankesave të shumta në bashki, polici dhe institucione të tjera, askush nuk kishte marrë masa konkrete. Banorët shprehen se jetesa ishte bërë e pamundur, sidomos gjatë verës kur nuk mund të hapnin as dritaret. Pas denoncimit në “Fiks Fare”, situata ndryshon! Emisioni investigativ ndërhyn drejtpërdrejt në terren dhe i drejtohet autoriteteve. Vetëm pak ditë më vonë, pronari i bagëtive detyrohet t’i largojë ato nga zona e banuar.