Një ngjarje e rëndë ka tronditur komunitetin në Këlcyrë, ku një 67-vjeçar është arrestuar pasi dyshohet se ka abuzuar seksualisht me një vajzë 10-vjeçare. Rasti u zbulua pas denoncimit të nënës së të miturës, e cila vuri re sjelljen e shqetësuar të vajzës dhe vendosi t’i drejtohej policisë. Sipas dëshmisë së familjarëve, i dyshuari e merrte vajzën me makinë dhe e çonte në banesën e tij kur bashkëshortja nuk ndodhej në shtëpi. Pas kallëzimit, vajza iu nënshtrua ekspertizës mjeko-ligjore në Tiranë, ndërsa ndaj 67-vjeçarit u vendos masa e sigurisë “arrest me burg”. Ndërkohë, hetimet janë zgjeruar edhe për dy të mitur të tjerë nga një fshat i zonës, njëri prej të cilëve është me autizëm, pasi familjarët dyshojnë se i njëjti person mund të ketë abuzuar edhe me ta disa vite më parë.