Marsi nisi tragjikisht për familjen Hoxha nga fshati Stan Karbunarë I Lushnjës. Rreth orës 15:30 të datës 1, babë e bir, 55-vjeçari Roland Hoxha (Verçani), dhe djali I tij 24-vjeçar Elidon Hoxha humbën jetën si pasojë e një shpërthimi tragjik në punë. Si pasojë e shpërthimit u lënduan edhe 7 persona të tjerë, që në momentin e ngjarjes, ishin duke punuar në një kapanon, në kompleksin e magazinave, në zonën industriale të Lushnjës, në vendin e quajtur "Rrethrrotullimi i Plasmasit". Sipas dëshmitarëve, vinçi që drejtohej nga Rolandi ishte duke ngritur bombola me oksigjen që po përdoreshin për saldim. Fillimisht dyshohej se mjeti I punës preku linjën e tensionit të lartë, duke shkaktuar shpërthimin. Nga hetimet paraprake, ekspertët dyshojnë se shkak për shpërthimin u bë njëra nga 2 bombolat që po transportoheshin me vinç nga babë e bir, Roland dhe Elidion Hoxha. Sipas hetuesve, bëhet fjalë për dy 2 bombola, njëra me oksigjen dhe tjetra me gaz argon. Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel.