Kanceri i zorres se trashe është ndër sëmundjet me natyrë kanceroze më të përhapura dhe me perqindje të ulët mbijetese në rast se nuk identifikohet në kohë. Kohët e fundit eshte vene re se perqindja e vdekshmërisë nga kanceri i zorres se trashe është reduktuar në mënyrë progresive, kjo sajë rritjes së efikasitetit të trajtimeve të reja të aplikuara si dhe rritjes së ndërgjegjësimit të popullatës në kryerjen e kontrolleve rutinë. Kjo ka bërë që treguesit per këte sëmundje, pra numri i rasteve të reja në vit te personave mbi 50 vjec, që janë edhe kategoria më e prekur, të ulet në mënyrë të ndjeshme. Por nga ana tjetër, studimet e bëra tregojnë gjithashtu që kemi një trend në rritje, me rreth 2.1% në vit, të incidencës së kancerit te zorres te personat më të rinj se 50 vjeç. Më shumë se 86% e pacientëve të diagnostikuar me këtë sëmundje, nën moshën 50 vjeç, kanë shenja të ndryshme dhe këto janë kryesisht të lidhura me faktin që sëmundja është diagnostikuar në faze të avancuar. Ndërkohë që në pacientë të diagnostikuar në faze fillestare të sëmundjes, shenjat janë të pakta ose pothuajse mungojnë, gjë që bëhet edhe më shqetësuese, sepse shenjat janë ato që çojnë pacientin te mjeku, ndaj mosprezenca e tyre bëhet shkak që çon në avancimin e sëmundjes.