Himariotët lutje për viktimat
22/05/2012
Me tufa lule e qirinj në duar, dhjetra banorë të Himarës, gra dhe vajza i janë drejtuar sot vendit të tragjedisë ku humbën jetën 13 persona, 11 nga të cilat studente.

Banorët e Himarës me lotë në sy, kanë vendosur lulet në vendin ku vetëm pak orë më parë autobuzi doli nga rruga dhe përfundoi në greminë.

Nxënësit e shkollave të Himarës kanë vënë tufa me lule në vendin ku bashkëmoshatarët e tyre humbën jetën në këtë aksident.

Lutja e tyre është drejtuar nga dy klerikë të kishës ortodokse të Himarës që janë lutur për viktimat e kësaj tragjedie dhe është ndjekur nga dhjetra banorë të Himarës, por edhe kalimtarë që janë ndalur për pak minuta në këtë vend.

Ndërkohë në autobusin e tragjedisë ekspertët e policisë rrugore dhe prokurorisë kanë vijuar punën me ekspertizën për të mësuar shkaqet e kësaj tragjedie të rëndë.

Autobusi me 33 persona në bord ka ecur përgjatë kësaj rruge shumë të pjerrët dhe në një prej kthesave më të forta mjeti është përplasur e më pas ka dalë nga rruga.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.