Shkup, gjenden të pajetë 5 të rinj; 30 të ndaluar
13/04/2012
Pesë veta janë vrarë në afërsi të liqenit të Hekuranës së Shkupit. Burime jozyrtare bëjnë të ditur se të vrarët janë të moshës së mitur, dhe që të gjithë janë të nacionalitetit maqedonas. 

Trupat e pajetë janë gjetur në afërsi të dy makinave, ndërsa janë zbuluar nga peshkatarë 30 minuta para orës 22.00. Aty pranë në liqenin e fshatit Smillkovski të Shkupit, janë parë njolla gjaku dhe gëzhoja dhe sipas informacioneve të para nga policia bëhet fjalë për vrasje. Zona ky është kryer vrasja vazhdon te jetë e rrethuar me forca policore, ndërsa Ministria e Punëve të Brendshme nuk jep informacione lidhur me rastin. Nuk është e qartë nëse vdekjet janë të lidhura me incidentet ndëretnike mes sllavo-maqedonasve dhe shqiptarëve të regjistruara muajin e kaluar. Maqedoni, vrasja e pesëfishtë, 30 të ndaluar
MPB është vënë në kërkim të autorëve të vrasjes dhe vërtetimit të shkaqeve. Kërkojmë që media të jetë e përmbajtur nga spekulimet dhe të mos nxisë tensione ndëretnike

Ivo Kotevski
Zëdhënës i MPB-së, Maqedoni


Të paktën 30 persona janë ndaluar nga policia në Maqedoni në lidhje me vrasjen e pesëfishtë të ndodhur mbrëmjen e së enjtes në fshatin Smillkovski të Shkupit.

Zëdhënësi i Ministrisë së Brendshme, Ivo Kotevski tha se policia ka formuar një shtab operativ për zbardhjen e këtij rasti. Ai u bëri thirrje mediave të mos publikojnë informacione të paverifikuara të cilat mund ndikojnë në tensionimin e situatës. Gjatë ditës disa media maqedonase kanë akuzuar shqiptarët për vrasjen e pesëfishtë.

“MPB ka formuar një shtab operativ me përfaqësues më të lartë policor për të bashkërenduar aktivitetet për zbardhjen e vrasjes së pesëfishtë në fshatin Smilkovc të Shkupit.  MPB është vënë në kërkim të autorëve të vrasjes dhe vërtetimit të shkaqeve. MPB shpreh ngushëllime për familjet e të vrarëve dhe apelon për qetësi. Kërkojmë që media të jetë e përmbajtur nga spekulimet dhe të mos nxisin tensione ndëretnike”, deklaroi zëdhënësi, Ivo Kotevski, zëdhënës i MPB-së.

Ambasada amerikane: Të ruhet qetësia

Ambasada e Shteteve të Bashkuara në Maqedoni ka reaguar ndaj vrasjes së pesë të rinjve në fshatin afër Shkupit duke shprehur keqardhjen e saj dhe duke bërë njëkohësisht thirrje për qetësi dhe vetëpërmbajtje.

Përmes një deklarate për shtyp, ambasada u ka bërë thirrje qytetarëve që të mos bëjnë interpretime pa përfunduar më parë hetimet që po drejtohen nga Ministria e Brendshme.

“Jemi në dijeni se autoritetet kanë filluar hetime për incidentin dhe gjetjen e autorit apo autorëve të kësaj vepre të tmerrshme. Mbështesim përpjekjet e Ministrisë së Punëve të Brendshme për të vazhduar hetimin dhe proçedurat ligjore në kohë të duhur”, thuhet në deklaratë.

“Gjithashtu, mbështesim kërkesën për bashkëpunim nga qytetarët në mënyrë që të mblidhen të gjitha të dhënat për vrasjet”, thuhet ndër të tjera në deklaratën e selisë diplomatike në Shkup.

Lidhur me ngjarjen tronditëse është zhvilluar edhe një takim kokë më kokë mes ambasadorit amerikan Paul Walher dhe liderit të BDI-së, Ali Ahmeti.

“Bashkëbiseduesit ranë dakord se institucionet e vendit duhet të jenë aktive në menaxhimin e situatës, por edhe në hetimin dhe zbardhjen e menjëhershme të krimit. Qytetarët, mediat dhe të gjithë duhet të japin kontributin e tyre, duke mos paragjykuar motivet për këtë krim”, thuhet në një komunikatë të BDI-së.

Incidenti është dënuar edhe nga Partia Demokratike Shqiptare, e cila ka apeluar tek të gjithë qytetarët që të ruajnë gjakftohtësinë dhe të mos bien pre e spekulimeve dhe provokimeve të ndryshme.

“Kërkojmë nga organet e drejtësisë që sa më shpejt të zbardhin rastin në fjalë dhe autorët të vihen para përgjegjësisë”, thuhet në reagimin e PDSH-së. 

/ Top Channel







comments powered by Disqus

TË FUNDIT
VLERËSO KËTË LAJM

KRYESORET




LAJME TE NGJASHME


SONDAZH

Mendoni se janë shtuar rastet e dhunës policore apo janë shtuar rastet e denoncimit?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 140 140.5
USD 124.7 125.4
GBP 192.5 193.2
CHF 130.5 131.5
TREGJE DHE BURSA
INDU 0.00
N/A
N/A
NASDAQ 4963.528
-24.362
-0.49%
S&P 500 2104.50
-6.24
-0.30%
FTSE 100 6946.66
-3.07
-0.04%
FTSE MIB 22337.789
+172.658
+0.78%
CAC 40 4951.48
+40.86
+0.83%
DAX 11401.66
+74.47
+0.66%
HANG SENG 24823.289
-78.771
-0.32%
Nikkei 225 18797.939
+12.15
+0.06%
S&P/ASX 100 4945.700
+16.300
+0.33%
SHOWBIZ & LIFESTYLE
Gjimnastja që detyroi Putin t’i nënshtrohej kirurgjisë estetike
Alina Kabyeva, 31-vjeçarja “Zonja e Parë” e fshehtë e Rusisë

Presin testikujt për të takuar Zotin
Mbi 400 meshkuj indianë vetkastrohen sipas udhëzimit të gurusë

Ndërron jetë aktori Leonard Nimoy, ylli i “Star Trak”
Lajmi për vdekjen e aktorit është konfirmuar nga familja

Nicole gjen qetësi në Venecia
Këngëtarja me pushime pas ndarjes nga Hamilton

Transformimi pas 30 vitesh
Ja si duket vajza me sy jeshilë e ‘National Geographic’

Bashkëshorti s’i reziston…as fustani
Kanye West nuk i ndan duart nga ‘asetet’ e Kim

Bufi sulmon njerëzit
Kërcënimi i pazakontë për banorët e Purmerend në Holandë


Fustani i Lupita-s gjendet në tualet
Grabitësit e rikthejnë, ishte me perla false





Top Channel 2001-2014
Ndalohet riprodhimi i paautorizuar i permbajtjes se kesaj faqeje.