“Qeveria siriane po shpërbëhet”
19/02/2012
Faizal Al Kudsi  një prej biznesmeneve të njohur sirian tha për BBC-në se ekonomia e vendit është gjymtuar nga sanksionet ndërkombëtare dhe qeveria po shpërbëhet. 

Djali i ish-presidentit të Sirisë drejton një firmë investimesh me qendër në Londër dhe është i përfshire në sektorin privat në Siri.

“Protestat kanë dëmtuar turizmin, sanksionet në eksportin e naftës dhe produkteve të tjera kanë reduktuar ndjeshëm Prodhimin Kombëtar Bruto. Rezerva e shkëmbimeve me jashtë në Bankën Qendrore ka rënë nga 22 në 10 miliardë dollarë”, tha ai.

Homsi, 16 ditë nën rrethim

Qyteti “rebel” i Homsit në Siri ndodhet në ditën e 16 të bombardimeve të artilerisë dhe armëve të tjera të rënda të përdorura nga forcat besnike të presidentit Bashar al Assad.

Aktivistë dhe organizata të të drejtave të njeriut njoftojnë për dhjetra të vrarë dhe qindra të plagosur të cilët tashmë ndodhen në mëshirë të fatit, pasi sipas të njëjtave burime, mjekët dhe infermierët janë vënë nën shënjestrën e ushtrisë.

Dhuna nuk ka kursyer as Avokatin e Popullit. Agjencia shtetërore e lajmeve në Siri thotë se ai, së bashku me shoferin e tij ka gjetur vdekjen pas një atentati nga një “grup personazh të armatosur” duke fajësuar për këtë forcat opozitare të armatosura.

Por këto të fundit mohuan autorësinë e vrasjes duke u shprehur se nuk kishin arsye për të ndërmarrë një sulm të tillë, pasi Avokati i Popullit, Mohammed Ziyadeh ishte një mbështetës i tyre. Protestuesit akuzuan për sulmin autoritetet e Damaskut, të cilat sipas tyre e kryen atë për të fajësuar më pas opozitën.
 

/ Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 138.6 139
USD 123 123.5
GBP 178.5 179
CHF 125.5 126
TREGJE DHE BURSA
N/A N/A
N/A
N/A
NASDAQ 4337.51
+70.67
+1.66%
S&P 500 1864.78
+35.70
+1.95%
FTSE 100 5707.60
+170.63
+3.08%
FTSE MIB 16514.87
+741.87
+4.70%
CAC 40 3995.06
+98.35
+2.52%
DAX 8967.51
+214.64
+2.45%
HANG SENG 18319.58
-226.22
-1.22%
Nikkei 225 14952.61
-760.78
-4.84%
S&P/ASX 100 3955.10
-45.90
-1.15%





Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.