Të Fundit

Paniku ka mbërthyer kryeqytetin indian, Delhi, të hënën, ndërsa banorët u zgjuan nën një shtresë smogu të paregjistruar ndonjëherë më parë, në prag të “Divalit”, që njihet si “Festivali i dritave”.

Një zjarr ka përfshirë pyjet e ahut në zonën e quajtur Përroi i Peshkut, në Shebenik-Jabllanicë.

Ministrja e Kulturës Mirela Kumbaro, ka sqaruar në Facebook, postimin e para disa ditëve dhe shprehet se është përkthyer gabim.

Ministri i Financave, Arben Ahmetaj deklaroi në Komisionin e Ekonomisë se koncesioni i rrugës Tiranë-Durrës nuk do të ketë asnjë kosto për buxhetin e shtetit.

Sandër Lleshi do të marrë drejtimin e ministrisë së Brendshme, pavarësisht mosbindjes së Ilir Metës. Kryeministri Edi Rama vendosi ta emërojë gjeneralin si zv/ministër, duke i deleguar drejtimin e dikasterit të punëve të Brendshme.

Deputetja e Partisë Demokratike, Jorida Tabaku, u shpreh se “buxheti i vitit 2019 është njësoj si në 4 vitet paraardhës, nuk projekton zhvillim dhe mirëqenie, por lëmoshë për qytetarët dhe taksim të rëndë për bizneset”.

Shqiptarët në Maqedoni nisën një fushatë në rrjetet sociale, me qëllim që të ndërgjegjësojnë politikanët që të njihen si shtet-formues, teksa vendi po punon për ndryshimet kushtetuese, në bazë të Marrëveshjes së Prespës.

Prokuroria e Rrethit Gjyqësor Tiranë ka apeluar vendimin e gjykatës për masën e sigurimit për Ervis Martinajn.

Dy ndërtesa janë shembur njëra pas tjetrës në qytetin francez të Marsejës, duke shkaktuar plagosjen e të paktën dy personave.

Lazio mendon për të ardhmen dhe e nis duke blinduar drejtorin sportiv të klubit, Igli Tare. Ky i fundit rinovoi kontratën me klubin lacial deri në vitin 2020, me opsion për zgjatjen e saj edhe për dy vite të tjera.

Ne prag zgjedhjesh, kryebashkiaku Filip Rikuert, mik e këshilltar i kandidatit socialist, Frensis Logier, paralajmërohet se do të përballet me një hetim financiar.

Zëdhënësi i Presidentit të Republikës, Tedi Blushi, i pyetur nga mediat lidhur me takimin e djeshëm Rama-Meta theksoi se “informacioni i dhënë nga Kryeministria lidhur me takimin ka qenë ezaurues”.

Presidenca njoftoi se ditën e hënë, “Ilir Meta, me kërkesën e tij, zhvilloi një takim me Kryetarin e Kuvendit, Gramoz Ruçi”, duke shpjeguar arsyet e këtij takimi.

Bashkia e Tiranës vijon zbatimin e projektit për shfrytëzimin e shkollave si qendra komunitare në kryeqytet.

Ende pa rikuperuar gjendjen fizike nga humbjet e fundjavës së shkuar, Tirana dhe Kukësi do të përballen me njëra-tjetrën në një lojë nervash, që pritet të ketë edhe një impakt sportiv në këndvështrime të ndryshme për secilën skuadër.

Karen Khachanov i befason të gjithë në turneun “Masters” të Parisit. Tenisti rus është fituesi i turneut pasi mundi në finale serbin Novak Djokoviç 2-0, që tashmë është rikthyer në krye të renditjes ATP, pas tërheqjes së Rafael Nadal nga turneu parizien.

Shqipëria është pjesë e Ekspozitës Ndërkombëtare të Importit të Kinës, që u hap zyrtarisht në Shangai.

Uashington Wizards regjistroi fitoren e dytë në këtë sezon në kampionatin amerikan të basketbollit, NBA. Wizards mundën Nju Jorkun në sfidën e radhës, me rezultatin 95-108.

Zgjedhjet vendore do të mbahen ditën e dielë, në datën 30 qershor 2019.

Kalimi nga shkolla vartëse në shkollën qendër, ka hapur probleme për transportin e disa fëmijëve në fshatin Mujalli të Fierit.

Nënkryetari i Partisë Demokratike, Edmond Spaho, deklaroi të hënën se “Vangjush Dako duhet të arrestohet pa vonesë për krimin elektoral të blerjes së votave nëpërmjet bandave”.

Kryeministri Edi Rama ka deklaruar në mbledhjen e grupit të Partisë Socialiste se “Presidenti Ilir Meta nuk ka dhënë asnjë arsye, por vetëm mosbindjen e tij” për dekretimin e Sandër Lleshit si ministër i Brendshëm.

Donald Trump, republikanët e tij dhe rivalët demokratë janë përfshirë nga ethet e ditës së fundit të fushatës zgjedhore, në prag të votimeve të mesit të mandatit, kur zgjedhësit do të thonë fjalën e tyre për dy vitet e para në pushtet të presidentit.

Kryetari i Kuvendit, Gramoz Ruçi zhvilloi paraditen e së hënës një takim me kreun e shtetit, Ilir Meta, në Presidencë.

Joaquin “El Chapo” Guzman del para gjyqit në Nju Jork, nën akuzën e drejtimit të kartelit më të madh të drogës në botë, si dhe për trafikimin e më shumë se 155 tonëve kokainë në Shtetet e Bashkuara përgjatë një çerekshekulli.

BIRN ka publikuar se vetting-u i gjyqtarëve anashkaloi provat që lidhin gjyqtarin e Gjykatës Administrative të Apelit, Artur Malaj, me akuzat për korrupsion dhe për pronësinë e një vile.

Atletët afrikanë ishin ata që triumfuan në maratonën më prestigjioze në botë, atë të Nju Jorkut, që ishte në edicionin e 48 të tij dhe ku morën pjesë 50 mijë persona.

Kryeministri Edi Rama ka shkruar në Twitter pas mbledhjes së grupit parlamentar.

Autoritetet shqiptare do të dorëzojnë trupin e Konstantinos Kacifës.

Kreu i Autoritetit Rrugor Shqiptar (ARRSH), Afrim Qendro, deklaroi paraditen e së hënës se ndërtimi i “Unazës së Madhe” në Tiranë do të shoqërohet me prishjen e një numri ndërtesash që janë të vendosura përgjatë segmentit nga “Pallati me Shigjeta” tek sheshi “Shqiponja”.

Shtetet e Bashkuara dhe Koreja e Jugut nisën këtë të hënë një stërvitje ushtarake të shkallës së vogël, disa ditë para takimit të planifikuar të Sekretarit amerikan të Shtetit, Mike Pompeo, me zyrtarë koreano-veriorë në Nju Jork.

MTV ka folur në gjuhën latine. Protagoniste e çmimeve “MTV Europe Music Awards”, pra versioni europian i çmimeve të ish-rrjetit muzikor, është Camilla Cabello.

Kina ka premtuar se do zvogëlojë tarifat në importe dhe do të hapë ekonominë, ndërsa synon të përballet me kritikat se praktikat e saj tregtare janë “të padrejta”.

Kryeministri Edi Rama ka emëruar Sandër Lleshin në postin e zv/ministrit të Brendshëm.

Shtetet e Bashkuara kanë rikthyer nga dita e sotme në fuqi sanksionet mbi Iranin, për të cilat thonë se janë më të ashprat në histori, e kjo është një lëvizje që ka ndezur protesta masive në vendin e pasur me naftë.

Një muaj e gjysmë pasi vetting-u u kthye në “shtëpi”, do të shkojë sërish te Pallati i Kongreseve.

Një letër e poetit francez të shekullit XIX, Charles Baudelaire, ku njoftonte se do vriste veten, është shitur në ankand për 234 000 euro.

Në fund të vitit 2012, 60 njerëz vdiqën në dy qytete në Pakistan pas shurupit të kollës, që e pinë për të ardhur në qejf.

Policia italiane ka arrestuar një çift shqiptarësh, të cilët u kapën me kokainë.

Kanë mbërritur në Mexico City emigrantët e parë që udhëtojnë përmes Meksikës për në Shtetet e Bashkuara të Amerikës. Rreth 450 personave, kryesisht burra dhe djem u është dhënë strehim i përkohshëm në stadium.

Në fitoren 0-1 ndaj Udineses, erdhi një lajm i keq për Milanini. Gonzalo Higuain u dëmtua në pjesën e parë dhe në minutën e 35 u largua nga fusha për t’i lënë vendin Castillejos.

Fitore në frymën e fundit për Milanin sërish nën shenjën e kapitenit Alessio Romagnoli. Në një transfertë shumë të vështirë si ajo e Udineses, Milani mori një fitore të vuajtur me rezultatin 1-0 në një ndeshje që zgjati 100 minuta.

Një aksident rrugor ka ndodhur në aksin Fushë Krujë-Milot, ku sipas raportimeve të para kanë mbetur të plagosur tre persona.

Më 5 Nëntor në Uashington jepet drita jeshile për një shkallëzim të ri të sanksioneve kundër Iranit. Ato synojnë të godasin sektorin e naftës dhe atë financiar. Europa ka vështirësi me kundërmasat e saj.

Tërheqja e Angela Merkelit nga politika do të thotë edhe largim i lideres jo zyrtare të BE-së, ajo e cila zgjidhte kontradiktat e dilemat në Bruksel. Por a mund të ndryshojë politika e BE për Ballkanin Perëndimor?

Konsiderohet si një ndër mjetet më të fuqishme të një ushtrie, por për drejtimin e tyre nevojitet njerëz të specializuar.

Pas një sezoni të gjatë zgjedhor irritues dhe përçarës, zgjedhjet për në Kongresin amerikan do të konsiderohen në mënyrë të pashmangshme si referendum për presidentin Trump.

Fansat e zjarrtë të Kidës e kanë marrë situatën në dorë dhe nuk e kanë lënë këngëtaren e tyre të preferuar të gjendet në vështirësi. Ndërkohë që “Merri Krejt” u cilësua si debutimi më i dobët i Kidës, votat e fansave kanë bërë që Kida të kryesojë klasifikimin e 100 këngëve më të bukura të muzikës moderne shqiptare këtë javë.

Një i apasionuar pas sfidave të mëdha u bë personi u parë që ka notuar për gati 2900 km përreth Britanisë së Madhe. 33 vjeçari nga Granthami iu afruan 300 notues të tjerë në kilometrin e fundit, por ai doli në krye duke mbërritur në Margatë përpara të tjerëve.

Qe kur xhihadistët u dëbuan nga Mosuli vitin e kaluar, shoferi i taksisë Abu Aref transporton më shumë sesa vetëm njerëz: ai lëviz rregullisht me tufa parash nëpër zarfa. Kjo është mënyra sesi paguhen rrogat dhe faturat në qytetin e dytë më të madh të Irakut.

Nëse do që fëmija yt të mos qëndrojë gjithë kohën para kompjuterit, apo telefonit mund ta orientosh drejt librit.

Fillimi i muajit nëntor e ka gjetur bregdetin e Shëngjinit me pushues të shumtë. Vizitorë të ardhur nga Kosova, qytete të ndryshme të Shqipërisë, por edhe vendas kanë zgjedhur Shëngjinin këtë fundjave për të pushuar ende në rrezet e ngrohta te diellit, në këto ditë vjeshte.

Moti i ngrohtë i tetorit, por dhe i ditëve të para të nëntorit ka rritur numrin e virozave stinore që qarkullojnë në popullatë, shenjat e të cilave shpesh mjekët e familjes i ngatërrojnë me ato të virusit të gripit, por shefja e departamentit të sëmundjeve infektivë në ISHP konfirmon se ende nuk është izoluar virus i gripit në Shqipëri.

Tërmeti i fuqishëm i përpara disa ditëve e ka zhvendosur në mënyrë të përhershme ishullin grek të Zakinthos me të paktën 3 centimetra në jugperëndim.

Kur duhen pak ditë nga përballja ndaj Manchester United në Ligën e Kampioneve, Juventus duhet të bëjë llogaritë me lojtarët e dëmtuar.

Kampionati botëror i peshëngritjes nuk arriti të sjellë medalje për Shqipërinë as këtë të diel, me Briken Çaljen që mbeti jashtë podiumit pavarësisht një provë pozitive.

Lazio e kaloi shpejt zhgënjimin nga disfata me Interin duke prodhuar një lojë bindëse dhe një fitore impresionuese kundër Spal.

Irani e shënoi me një tubim masiv përvjetorin e mësymjes së ambasadës amerikane dhe pengmarrjeve atje në 1979-tën. Këtë vit, eventi kishte një domethënie të veçantë, për shkak se grumbullimi masiv i njerëzve erdhi në vigjiljen e ripërtëritjes së sanksioneve të Uashingtonit mbi republikën islamike.

Një tigër, i cili mendohet të jetë përgjegjës për vdekjen e 13 personave në Indi, është vrarë nga një gjahtar me një plumb të vetëm.

Çdo kush që adhuron futbollin dhe e luan atë, profesionist apo amatorë qoftë, ka vetëm një synim kur ka topin në këmbët e tij: Ta dërgojë, atje ku dëshiron.

Në Kosovë janë bllokuar që prej vitit 2011 pasuri të përfituara në mënyrë të paligjshme që mbërrijnë vlerën e 36 milionë eurove, nga të cilat janë konfiskuar rreth 2 milionë euro.

Votuesit e territorit francez të Kaledonisë së Re e kanë refuzuar Pavarësinë. Pas numërimit të pjesës më të madhe të votave rezulton se qytetarët atje dëshirojnë të mbeten pjesë e Francës. Pati një fushatë të fortë “pro” shkëputjes në Kaledoninë e Re, të shënuar jo rrallëherë edhe nga episode të dhunshme.

Vazhdon periudha e errët e Cleveland Cavaliers në këtë sezon të kampionatit të NBA. skuadra nga Ohio pësoi një tjetër disfatë, këtë radhë u mposht nga Charlotte 94-126, por lajmi më i keq për të është dëmtimi në këmbë i Kevin Love që do të qëndrojë jashtë parketit për 6 javë.

Barcelona pa Lionel Messin i kaloi me sukses të gjitha provat me të cilat u përball në kampionat e Ligën e Kampioneve teksa fitoi ndaj Sevillas, Interit, Realit të Madridit dhe Rayo Vallecanos.

Cristiano Ronaldo nuk shënoi në ndeshjen me Cagliarin edhe pse e bëri një tentativë më roveshatë, por ai ishte i pranishëm në golin e tretë të Juventusit teksa i dhuroi një pasim Juan Cuadrados.

Presidenti francez Emmanuel Macron e shënon arritjen e armëpushimit që i dha fund Luftës së Parë Botërore me një ceremoni në Somme, ku ka luftuar dhe stërgjyshi i tij britanik.

Katër muaj pas vendimit të CAS për ripranimin e Milanit në Europa League, klubi kuqezi është gati të kthehet në Nion për të mësuar sanksionet që UEFA do të vendosë për të dhe për të nisur punën për arritjen e një akordi pas mosrespektimit të rregullit të Fair Play Financiar në periudhën 2015-2018.

Banorët e Unazës së Re protestuan ndaj projektit që parashikon shembjen e shtëpive dhe bizneseve në aksin nga Pallati me Shigjeta tek Sheshi Shqiponja.

Prej mbrëmjes së të shtunës Presidenti i Republikës vijon të mos bëjë publike arsyet që e çuan në shkelje të Kushtetutës, duke mos dekretuar emërimin e Sandër Lleshit si ministër i Brendshëm.

Moti i keq në Itali vazhdon të shkaktojë viktima. 12 janë të vdekurit në Palermitano, një bilanc i rëndë ky për fqinjin e përtej Adriatikut.

Vetëm 6 ditë pas humbjes me rezultatin 0-3 ndaj Interit, Lazio u rikthye te fitorja, teksa mposhti po në “Olimpico” skuadrën e Spalit me rezultatin e thellë 4-1.

Salla e teatrit “Aleksandër Moisiu” të Durrësit hapi dyert këtë fundjavë për shfaqjen “E pacensuruara” të Keti Bashhysës.

E ndërsa vjeshta po shkon drejt fundit të saj, natyra vazhdon të mbajë të veshur petkun e artë, duke dhuruar magjinë e saj edhe për pak ditë, deri në trokitjen e dimrit.

1700 shpendëve u janë vendosur unaza në këmbë në lagunën e Orikumit. Për të katërtin vit radhazi Shoqata Ornitologjike e Shqipërisë (AOS)së bashku me partnerët Hungarezë ka organizuar numërimin e shpendëve migrues që kalojnë në gadishullin e Karaburunit me synim mbrojtjen e tyre.

Në fshatin Blinisht, vetëm pak kilometra larg qytetit të Lezhës, takojmë familjen e Serafin Markut. Nazja është e zonja e shtëpisë dhe megjithëse e sëmurë ka dalë të na presë në oborr.

Pas takimit të mbajtur ditën e sotme në Presidencë mes Ilir Metës e Kryeministrit Rama, e para që ka reaguar ka qenë Kryeministria.

27 miliardë lekë ose mbi 210 milionë euro do të jetë kosto e ndërtimit e të gjithë “Unazës së Madhe” të Tiranës, përfshirë edhe rehabilitin e plotë të segmentit të parë të hapur sheshi “Shqiponja”-Pallati me Shigjeta.

Agjencia e Parqeve dhe Rekreacionit në bashkëpunim me Federatën Shqiptare të Kanotazhit sjellin sot Kampionatin e parë “Canoe & Kayak Sprint” në Liqenin Artificial të Tiranës.

Ka zgjatur më shumë se një orë takimi ditën e sotme me Kryeministrit Edi Rama dhe Ilir Metës në zyrën e këtij të fundit.

Mark Markez nuk ndalet në këtë sezon të Botërorit të MotoGP.

Gjykata e Krimeve të Rënda ka dhënë masën e sigurisë “30 ditë burg” për shtetasin Ervis Martinaj pas ngjarjes së ndodhur në ish-Bllok, ku mbeti i vrarë një person dhe u plagosën dy të tjerë, mes tyre edhe Martinaj.

Edhe sot nuk ka asnjë koment nga mazhoranca pas mosdekretimit të Presidentit Ilir Meta të Sandër Lleshit si ministër i Brendshëm një natë më parë.

Nga Korça, Lulzim Basha prezantoi ditën e sotme për çlirimin e zgjedhjeve, por ndër të tjera foli edhe për mosdekretimin e ministrit të ri të Brendshëm nga Presidenti Ilir Meta.

Gjiganti televiziv britanik “Sky” ka marrë një vendim për shkurtimin në mënyrë drastike të reklamave të lojërave të fatit, mes shqetësimit gjithnjë në rritje të varësisë ndaj basteve sportive dhe lojërave të tjera.

Në më pak se një muaj, grupi i prokurorëve për ngjarjen e përgjakshme të 4 tetorit në zonën e bllokut, ku mbeti i vrarë një person dhe u plagosën dy të tjerë, ka përgatitur një mega dosje ndaj njërit prej të akuzuarve kryesor të kësaj ngjarje, Ervis Martinit.

Një aksident i rëndë ka ndodhur në një autostradë në Kinë, ku të paktën 15 persona janë konfirmuar të vdekur.

Një ngjarje tragjike ka ndodhur në Palermo të Italisë, ku deri tani janë konfirmuar 9 persona të mbytur, mes të cilëve edhe fëmijë e gra.

Arsenali dhe Liverpooli e mbyllën në barazim ndeshjen më të rëndësishme të kësaj jave në Premier League dhe lojtari më i mirë për të zotët e shtëpisë ishte Shkodran Mustafi, i cili u shpreh krenar pas përfundimit të takimit.

Dy automjete janë shkrumbuar nga flakët në orët e para të mëngjesit të sotëm në lagjen “29 Nëntori” të qytetit të Vlorës.

Një peshkarexhë është mbytur në mesnatë në afërsi të ishullit të Sazanit.

Italia po përpiqet të ringrihet pas një numri stuhish të dhunshme që goditën pjesë të vendit javën e shkuar, duke i marrë jetën të paktën 20 personave.

Juventusi nuk ndalet edhe atëherë kur trajneri Massimiliano Allegri bën rotacion.

Bayern Munchen hodhi një tjetër hap fals në Bundesligë. Bavarezët barazuan 1-1 në “Allianz Arena ndaj Freiburg, duke humbur dy pikë të tjera.

Skënderbeu vuajti më shumë nga sa u mendua për të thyer Kastriotin në ndeshjen e javës së 11 të Kategorisë Superiore.

Ndryshe nga ç’keni parë deri më tani, se si fenomeni bastet është trajtuar, qoftë nga pikëpamja ekonomike apo sociale, emisioni “Hipokrati” sjell një anë tjetër, atë shëndetësore.

Pas tre ditësh në SHBA zhvillohen zgjedhjet për Kongresin. Këto zgjedhje janë një test i rëndësishëm për Presidentin Donald Trump, i cili në vazhdimësi është përballur me polemika për retorikën e tij agresive elektorale.

Lista e vitit 2018 për celularët më të mirë ka të paktën tre modele që shiten për më shumë se 1000 dollarë.

Nëntoka shqiptare fsheh pasuri të shumta…

Kryeinspektori i IMT-së në Durrës, Ardian Halili është kanosur për shkak të detyrës.

Nënë. Kërcimtare. Kurtizane. Spiune. Bukuria e saj e bëri të famshme; Joshja e saj, të rrezikshme; Hakmarrja e saj, vdekjeprurëse. Në kohë lufte, dashuria e një nënë do të rrëzojë një perandori.