Kombëtarja hap sot në “Air Albania” fushatën e këtij sezoni të Ligës së Kombeve, ku synimi është një dhe i vetëm, ngjitja në ligën B.
Në 20:45 skuadra e trajnerit Rolando Maran zbret në fushën e blertë ndaj Bjellorusisë si favoritë për fitimin e ndeshjes.
Tekniku italian ka zgjedhur edhe 11-shen që zbret në fushën e blertë. Nuk ka surpriza, i ndikuar edhe nga problemet me dëmtime që e kanë karakterizuar Kombëtaren gjatë këtij grumbullimi.
Rikthim i madh për Berishën, që aktivizohet në portë, teksa një vend në 11-she ka edhe për Hysajn, i cili ende nuk ka gjetur ekip dhe po stërvitet me Vllazninë.
Vend titullari edhe Pilon në të majtë, teksa mesfusha dhe sulmi nuk kanë surpriza. Pritshmëri të mëdha për Muçin, i cili është lojtari më në formë i Kombëtares në këtë grumbullim.
Minutë pas minute:
45+3′ Mbyllet pjesa e parë.
45+1’ Goool Shqipëria 2-0! Ernest Muçi vjen edhe te kombëtarja dhe tregon klasin e tij me një gjuajtje të zgjuar. (Video)
36’ Rey Manaj arrin të lirohet në një mundësi të artë, por nuk godet si duhet në momentin final.
34’ Gooool Shqipëria 1-0!! Manaj ia lë 11-metërshin Asllanit, që godet dhe tregohet i saktë për 1-0. (Video)
32’ Gjimshiti arrin t’i marrë kohën kundërshtarit dhe fiton një penallti gjatë zhvillimeve të një goditjeje këndi.
31’ Bjellorusët vënë në vështirësi skuadrën tonë me vrapimet e shumta dhe nuk e lejojnë të dalë rrjedhshëm në sulm. Ende nuk kemi bërë gjuajtje në kuadratin e bjellorusëve.
20’ Ndeshja ul ritmin sa i përket rasteve, gabime, përplasje dhe faulle në mesfushë. Kombëtarja duket e paqartë në rrugën drejt portës kundërshtare.
7’ Kuqezinjtë tregohen “të butë” në mbrojtje dhe lejojnë rivalët të rrezikojnë me një gjuajtje rreth 10 metra distancë. Fatmirësisht pret Berisha, i ndihmuar edhe nga gjuajtja e dobët e miqve.
5’ Kuqezinjtë e nisin menjëherë me presing lart dhe tentojnë nga pozicione të ndryshme. Rasti më për tu shënuar: një goditje dënimi e ekzekutuar nga Manaj ngjitur me trekëndëshin e portës bjelloruse.
1′ Nis ndeshja në “Air Albania”.
Top Channel
