Maignan-Milan, moment vendimtar për rinovimin; ofertë 7 milionë euro në sezon…

Oferta; Maingan si Leao. Dy drejtuesit e Milanit, Furlani dhe Igli Tare kanë përgatitur një propozim si ai i Leaos për të bindur Maignan; kontratë deri në vitin 2029(me opsion zgjatjen deri në 2030) me një pagë totale prej 7 milionë eurosh(5 milionë pagë fikse dhe 2 milionë euro të tjerë në formën e bonuseve). Një shifër kjo që do të barazonte pagën e portugezit, duke e bëtë kapitenin një prej futbollistëve më të paguar të skuadrës. Një sinjal ky i fortë  dhe i nevojshëm për t’ua mbyllur dyert Juventusit, Chelsea dhe Manchester United që kanë shfaqur interesin e tyre, por pa bërë ndonjë lëvizje konkrete.

Prapaskena; nga akujt te rilindja. Për të kuptuar rëndësinë e këtij momenti është e nevojshme të kthehemi në kohë në fillim të 2025. Pas një marrëveshjeje verbale të arritur, Milani bëri hapa për shkak të disa gabimeve të portierit duke i propozuar një kontratë me pagë më të ulët me 4 milionë. Maignan, i zemëruar kërkoi largimin te Chelsea në muajt e verës, por operacioni nuk u realizua edhe falë vendosmërisë së Allegrit. Trajneri livornez e blindoi francezin duke e konfirmuar si kapiten dhe duke folur me të përditë. Dhe Maignan iu përgjigj me paraqitje shumë të mira dhe me vullnetin për të folur sërish për rinovimin

Rinovimi Maignan, optimizëm i Milanit. Duke parë cfarë ndodhi, te Milani po arsyetojnë me një optimizëm të kujdesshëm, por rihapja e bisedimeve dhe mundësia për t’u ulur sërish në tryezën e tratativave janë detaje të rëndësishëm. Afeksioni i trajnerit, shokëve të skuadrës dhe tifozëve, oferta e duhur e sidomos Milani i kthyer në nivele të larta janë përbërësit më të mirë për të shpresuar në ‘po’ e Maignan.

Top Channel