Diplomati i lartë amerikan, Palmer viziton Shkupin
22/10/2018 11:03
Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Zëvendës-ndihmës sekretari amerikan i shtetit për Çështjet Evropiane, Matthew Palmer sot do të vizitojë Maqedoninë.
Palmer shkon në Shkup pas votimit në Kuvendin e Maqedonisë të nismës për ndryshime kushtetuese me qëllim zbatimin e Marrëveshjes së Prespës.
Ndalesa në Shkup vjen pas vizitës në Beograd nga ku kishte deklaruar se Maqedonia ka shansin historik dhe të vetëm për të hyrë në NATO dhe BE duke pranuar Marrëveshjen me Greqinë në mënyrë institucionale.
Zyrtari i lartë amerikan do të takohet me faktorët politikë në pushtet, përfshirë kryeministrin Zaev dhe ministrin e Jashtëm, Dimitrov.
Palmer gjithashtu pritet të ketë takim edhe me bllokun opozitar.
Pak ditë para votimit të nismës për ndryshime kushtetuese, ndihmës sekretarit Wess Mitchell i shkroi letër drejtuar liderit të VMRO-DPMNE-së, Hristijan Mickoski, në të cilën ai theksoi se Shtetet e Bashkuara janë të zhgënjyer nga qëndrimet e drejtuesve të kësaj partie, raporton Alsat.
Top Channel
