Hummels shënon me kokë, PSG tani duhet të bëjë mrekullinë 07/05 22:30
Mevlan Adili ka gjetur akordin për dy vite me klubin e Shkëndijes së Tetovës në Maqedoninë e Veriut.
Sezonin e fundit, mbrojtësi ishte pjesë e Bylisit në Abissnet Superiore, por pas rënies një kategori më poshtë të ballshiotëve vendosi të nisë një aventurë të re.
Në fakt, për 29-vjeçarin nuk është hera e parë që aktivizohet në radhët e tetovarëve pasi ka qenë pjesë e tyre fillimisht në vitin 2015 e më pas në vitin 2018, ndërsa në kampionatin maqedonas ka një eksperiencë edhe në radhët e Shkupit.
Pas zyrtarizimit te Shkëndija, Adili u shpreh i lumtur për rikthimin ndërsa shtoi se rikthehet me objektivin për të fituar titullin kampion.
“Jam i lumtur që kam gjetur akordin me KF Shkëndija, një ambient që e njoh mjaft mirë. Jam në dije se çka kërkon ky klub dhe shpresoj që të realizojmë objektivat.
Të them të drejtën, gjithmonë e kam pas me dëshirë këtë klub. Edhe kur jam larguar nga Shkëndija më ka lënë përshtypje të mirë, sepse janë disa gjëra që janë shumë të rregulluara këtu. Unë vij te Shkëndija për të dalë kampion ndërsa shpresoj që me ndihmën e Zotit të ndodh një mrekulli dhe të futemi në grupet e garave të Evropës”, tha Adili.
Top Channel
