Manchester United për të disatën herë vendosi që të besojë te Michael Carrick, por ky besim ka një afat kohor dhe duke parë gjendjen e Djajve të Kuq, ky afat duket se do të jetë i shkurtër nëse skuadra do të vijojë me rezultatet e deritanishme. Antonio Conte dukej se ishte njeriu i duhur për të ringjallur sezonin e turphëm të Manchester United, por në orët e fundit drejtuesit e klubit kanë nisur lëvizjet e tyre për të bllokuar Eddie Howe, gjë që tregon edhe njëherë se prioritet i Contes është pikërisht Juventusi.
Ish trajneri i Newcastle konsiderohet si një prej trajnerëve që kanë kontribuuar në dhënien e një forme të re futbollit britanik. Por pas sezonit të fundit, Newcastle vendosi të ndryshojë dhe ta zëvendësojë Hoëe me trajnerin gjerman Jaissle.
Eddie Howe e la Newcastle në muajin korrik edhe pse kishte një kontratë afatgjatë me Magpies. Sipas të përditshmes ‘Telegraph, klubi ka marrë masa për t’u tuteluar nëse ish trajneri i tij kalon te një skuadër rivale pas pak kohësh dhe bëhet fjalë për një dëmshpërblim prej 6 milionë paundësh. Kjo do të thotë se Manchester United do të derdhë para të tjera përveç atyre që janë të destinuara për trajnerin e ri.
Ajo që duhet të kuptohet është se sa dëshirë ka Hoëe për t’u kthyer në pankinë. Gjithnjë sipas ‘Telegraph’, trajneri anglez ka shfaqur gatishmërinë që të vlerësojë një ofertë të mundshme të Djajve të Kuq, të cilët gjithsesi e kanë një alternativë nëse kjo lëvizje do të dështojë dhe bëhet fjalë për ish trajnerin e kombëtares gjermane Julian Nagelsmann që është i lirë pas eksperiencës me Die Mannschaft në Botërorin e kësaj vere.
Top Channel
