Vrasja e Martin Canit/ Komisioni i burgjeve kërkon të dërgojë në burg 14-vjeçarin pas këqyrjes së epikrizës, mjeku nuk firmos fletëdaljen 26/11 11:49
Shqipëria luan një nga ndeshjet më të rëndësishme të viteve të fundit, pasi do të presë Poloninë në “Air Albania”, në një ndeshje direkte për vendin e dytë në grupin eliminator të Botërorit Katar 2022 dhe një fitore do të na afronte ndjeshëm me objektivin.
Stadiumi “Air Albania” do të jetë i mbushur plot, 22 mijë tifozë do ndjekin ndeshjen nga shkallët e tij, por jo të gjithë do të brohorasin për Shqipërinë.
Mësohet se në impiantin modern, në zemër të Tiranës, do të jenë jo pak, por 1 mijë tifozë polakë të pranishëm për miqtë.
FSHF, ka shitur 1 mijë bileta për tifozët e Polonisë, ku edhe për këta të fundit është një finale, pasi një humbje i nxjerr ata jashtë për një vend në playoff.
Trajneri Edi Reja në konferencën e zakonshme për shtyp, u përpoq të largojë presionin nga të tijtë, gjithashtu ai hodhi dritë edhe mbi formacionin me të cilin Shqipëria do të zbresë në fushë në orën 20:45 në “Air Albania”.
Kështu në krahasim me ndeshjen ndaj Hungarisë tre ditë më parë, tekniku Italian pritet të bëjë katër ndryshime, tre prej të cilave të detyruara dhe një për zgjedhje teknike të tij.
Nuk do të jenë në dispozicion të italianit mbrojtësi Berat Gjimshiti, i cili u dëmtua në Budapest, mesfushori Endri Çekiçi, i cili ka plotësuar numrin e kartonëve dhe sulmuesi Sokol Cikalleshi, i cili ka rezultuar pozitiv ndaj koronavirusit në testet zyrtare të UEFA-s.
Në portë trajneri do të konfirmojë Etrit Berishën, që është në formë mjaft të mirë dhe do të luajë me shiritin e kapitenit në krah. Në mbrojtje, krahas Ismajlit e Kumbullës, do të zbresë në fushë edhe Veseli, që do të marrë vendin e Gjimshitit të dëmtuar, pasi edhe në Hungari tregoi se është në formë mjaft të mirë.
Në mesfushë do të konfirmohen katër nga 5 titullarët e përballjes ndaj Hungarisë, me Hysajn e Trashin nga krahët dhe Gjasulën e Baren në qendër, ndërsa Nedim Bajrami do të luajë nga minuta e parë në vendin e Çekiçit të pezulluar.
Ndryshon totalisht sulmi, pasi vendin e Cikalleshit pritet ta marrë Rey Manaj, i cili është edhe lojtar i ngjashëm me kavajasin, pasi di të luajë me shpinë nga porta dhe të krijojë hapësira, ndërsa në krah të tij do të luajë sulmuesi më në formë i momentit te kuqezinjtë, Armando Broja.
Forma e tij e mirë, me tre gola dhe dy asiste në 81 minuta të luajtura në tre ndeshjet e fundit, ka bërë që trajneri Edi Reja të mos guxoja të lërë sërish në pankinë, aty ku ndaj Polonisë do të ulet beratasi Myrto Uzuni, i cili do të ketë mundësinë të tregojë vlerat e tij në ndeshje e sipër.
Top Channel
