Vllaznia feston pas fitores me Partizanin dhe mban kryesimin e Superligës

Ishte një sfidë që u vendos vetëm në minutat e fundit të saj, pikërisht në minutën e 86-të. Kur të gjithë po mendonin se kjo ndeshje po shkonte drejt një barazimi pa gola, Dilaver ndëshkoi të Kuqtë duke shënuar golin e fitores për Vllazninë. Shpëtim Duro debuton me një barazim në pankinën e Laçit. Në Niko Dovana të Durrësit, skuadra kurbinase barazoi ndaj Teutës me rezultatin 1-1, por vazhdon të jetë pranë zonës së rrezikut në renditje me 8 pikë, ndërkohë që Teuta shkon në 10 pikë. Ajo që shënoi e para ishte Teuta me anë të Dejvi Bregut, por Laci u kundërpërgjigj me Nëabuezen që shënoi nga pika e bardhë e 11 metërshit duke barazuar 1-1 me skuadrat që dolën nga fusha e lojës me nga 1 pikë secila. Kukësi thellon krizën e Skënderbeut, teksa në Elbasan Arena e mundi me rezultatin 3-1.

Skuadra e Skënder Gegës u shfaq superiore dhe mori avantazhin e dyfishtë 2-0 me dy gola të Eze nga 1 në çdo pjesë, ndërkohë që Leiria çoi shifrat në 3-0.

Mensah shënoi golin e nderit për skuadrën korçare, që e sheh veten në vendin e fundit me vetëm 5 pikë të grumbulluara në 8 ndeshje, Tirana regjistron një tjetër fitore në Kategorinë Superiore, e dyta radhazi. Skuadra e Nevil Dedes këtë radhë mposhti Apoloninë me rezultatin 3-0 në sfidën e luajtur në “Selman Stërmasi”.

Gjithçka ndodhi në pjesën e dytë të ndeshjes kur u shënuan të tre golat. Ismail Geci ishte ai që zhbllokoi rezultatin e kësaj sfide. Goli që u pasua nga ai i Bathës dhe Ernest Mucit për të fiksuar rezultatin 3-0 për Tiranën që shkon në 12 pikë. Në ndeshjen tjetër, Bylis mori fitoren e parë, teksa mundi Kastriotin 2-1. Për ballshiotët shënuan Ndreca dhe Mehmetllari, ndërsa Kastrioti vetëm sa shkurtoi diferencën me Devid.

Top Channel