Mbyllja e javës së 9-të ka sjellë verdiktet e para për fazën e parë të Abissnet Superiores, ku Egnatia ka konfirmuar dominimin e saj duke siguruar vendin e parë në klasifikim me 21 pikë, pas shtatë fitoreve dhe dy humbjeve.
Menjëherë pas kampionëve në fuqi pozicionohet Teuta, e cila ka zhvilluar një fazë të parë fantastike duke u renditur e dyta me 20 pikë, vetëm një pikë larg kreut, falë gjashtë fitoreve, dy barazimeve dhe një ecurie prej +11 në golaverazh.
Në vendin e tretë të renditjes mbyll fazën e parë Dinamo City me 16 pikë, duke ruajtur një distancë të sigurt në zonën e epërme. Ndërkohë, Tirana pozicionohet në vendin e katërt me 12 pikë pas një ecurie të ekuilibruar me nga tre fitore, barazime dhe humbje. AF Elbasani dhe Laçi ndajnë pozitat e mëpasshme me nga 11 pikë secila, duke reflektuar një garë mjaft të fortë në mesin e tabelës.
Vora trondit Vllazninë, alarm për Partizanin në fund të renditjes
Zona e mbijetesës dhe e ftohtë e klasifikimit ka rezervuar surpriza të mëdha në këtë mbyllje të fazës së parë. Vora ka arritur një fitore të bujshme 2-1 ndaj Vllaznisë, duke u ngjitur në kuotën e 11 pikëve dhe lënë pas Skënderbeun me 10 pikë. Vllaznia pë｣rjeton një moment delikat duke zbritur në vendin e nëntë me 8 pikë, ndërsa faza e parë mbyllet me një situatë tejet alarmante për Partizanin, i cili gjendet në vendin e fundit të renditjes (të dhjetin) me vetëm 4 pikë të grumbulluara.
Top Channel
