Goditje e rëndë për Bayern-in, Harry Kane do të mungojë disa muaj pas dëmtimit të rëndë
Bayern Munich ka marrë një goditje të rëndë pas barazimit 1-1 ndaj Kolnit. Harry Kane ka pësuar këputje të ligamentit sindesmotik në kyçin e majtë dhe pritet të mungojë për rreth tre muaj.
Sulmuesi anglez u largua nga fusha që në minutën e 20-të, ndërsa ekzaminimet mjekësore konfirmuan dëmtimin e rëndë. Sipas mediave gjermane, rikuperimi mund të zgjasë deri në tre muaj, çka do të thotë se Kane nuk pritet të luajë më gjatë vitit 2026.
Një mungesë e madhe për Vincent Kompany-n, pasi fituesi i Topit të Artë ishte në formë fantastike, me 10 gola në 16 ndeshje në të gjitha kompeticionet. Për më tepër, Bayerni humbi nga dëmtimi edhe Michael Olise, i cili pësoi një mavijosje në shputën e këmbës. Bavarezët duhet të gjejnë zgjidhje për të përballuar mungesën e dy prej lojtarëve më të rëndësishëm ofensivë.
Top Channel