Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Tjetër humbje në fazën eliminatore të Evropianit për përfaqësuesen U-17 të Shqipërisë.
Pas disfatës së thellë ndaj Çekisë, ekipi i Mustedanagiçit u mposht edhe në sfidën kundër Norvegjisë në shifrat 3-1.
Kur dukej se pjesa e parë do të mbyllej në barazim pa gola, Smajlaj shkakton faull në dëm të Tveiten. Për kryesorin nuk ka dyshime: penallti për Norvegjinë. Nga pika e bardhë, Gelmuyden tregohet i saktë.
Në pjesën e dytë, në minutën e 60, norvegjezët dyfishojnë shifrat me anë të Opegard. Në minutën e 74, norvegjezët e shohin veten në inferioritet numerik, pasi Tveiten ndëshkohet me karton të kuq.
Shqipëria përfiton nga avantazhi numerik dhe Elmand Gjini arrin të realizojë. Por, norvegjezët vulosin ndeshjen në minutën e tretë shtesë, duke shuar shpresat e kuqezinjve.
Sfida e radhës për U-17 do të jetë ndaj Azerbajxhanit, më 29 tetor, në orën 14:00, në stadiumin “Elbasan Arena”.
Top Channel
