Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Partizani rikthehet te fitorja pas katër javësh, me skuadrën e Orges Shehit që triumfoi 2-0 në derbin e kryeqytetit ndaj Dinamos në sfidën e vlefshme për javën 32-të të Kategorisë Superiore.
Një takim shumë i rëndësishëm për të dyja skuadrat, që në këtë pjesë të sezonit luajnë për të siguruar “Final 4”, me Dinamon që jo vetëm doli pa pikë nga “Arena e Demave”, por edhe zbriti nga vendi katërt. Takimi nisi me vendasit më kërkues, me Partizanin që kërkoi golin, ndërsa avantazhin e krijoj në minutën e 30-të me anë të Bintsouka.
Shtatë minuta më pas, “të kuqtë” i shkuan përsëri pranë golit, ndërsa në minutën e 40-të, kryesori Bajramaj sinjalizoi penallti për dinamovitët pas ndërhyrjes së gabuar të Behiratches ndaj Taipit. Te pika e bardhë e penalltisë u prezantua Denisson, por braziliani gaboi duke shpërdoruar mundësin e artë dhe pjesa e parë u mbyll me pritjen e Qirkos dhe avantazhin e të kuqve.
Fraksioni i dytë nisi keq për Dinamon, kjo pasi Goudiaby u ndëshkua me kartonin e dytë të verdhë në minutën e 47-të duke lënë skuadrën e Mehmetit me dhjetë lojtarë.
Partizani shfrytëzoi në maksimum superioritetin numerik, teksa në minutën e 70-të Albers Keko shënoi golin e dytë dhe të qetësisë për “të kuqtë”, që më pas mirë-administruan gjithçka.
Pas këtij suksesi Partizani ngjitet në kuotën e 51 pikëve në vendin e tretë, ndërsa Dinamo zbret nga vendi i katërt pas kësaj jave, duke u pozicionuar si forcë e pestë me pikë të barabarta me Tiranën.
E pesta ndeshje radhazi pa fitore për Vllazninë, që nuk shkoi dot përtej barazimit pa gola në transfertën ndaj Teutës. Një pikë për shkodranët që mbajnë vendin e dytë, por edhe për durrsakët, që vijojnë betejën e gjatë për të siguruar mbijetesën në elitë./SuperSport
Top Channel
