Pema e Krishtlindjes në hapësirë/ Pamja mahnitëse e yjeve 5 milionë vjeçarë në Rrugën e Qumështit 25/12 10:29
Raketa Ariane 5 lëshoi me sukses dy satelitë në orbitë duke vërtetuar se është raketa më e fuqishme në botë, sipas presidentit të ArianeSpace.
Misioni u realizua një ditë me vonesë për shkak të disa kontrolleve shtesë, nga qendra hapësinore në Guajanën franceze.
Sateliti i komunikimit komercial dhe sateliti ushtarak francez vendosën një rekord të ri prej 11.2 tonësh, pesha më e madhe e një rakete Ariane.
I ndërtuar nga Thales Alenia Space, sateliti SES-17 është një satelit komunikimi me shpejtësi të lartë i projektuar për t’u shërbyer klientëve në Amerikën e Veriut, Amerikën e Jugut dhe përtej Oqeanit Atlantik.
Sipas zyrtarëve të kompanisë, sateliti do të ndihmojë të gjitha forcat e armatosura të Francës në të gjithë globin të komunikojnë me shpejtësi dhe siguri të lartë. Ai do të ofrojë shërbim për klientët SES që operojnë në tregjet aeronautike, detare, ndërmarrjes dhe qeveritare.
Top Channel
