Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Arthur Melo ka vendosur në mënyrë të njëanshme që ta mbyllë para kohe përvojën e tij te Barcelona. Braziliani nuk ka ndërmend të rikthehet në klubin “blaugrana” për pjesën e mbetur të sezonit (ndeshjet e Championsit). Futbollisti brazilian, i transferuar tek Juventusi për sezonin e ardhshëm, ia komunikoi vendimin e klubit orët e fundit. Këtë të hënë ai nuk është paraqitur për të kryer testin e Koronavirusit, sikurse ishte planifikuar.
Arthur nuk kishte arsye për të munguar kështu që klubi konsideron këtë qëndrim si shkelje të kontratës. Futbollisti brazilian shfrytëzoi ditët e pushimit të lejuara nga Quique Setién pas përfundimit të kampionatit për të shkuar në Ibiza për disa ditë pushimesh, por ai i komunikoi klubit që do të udhëtonte drejt Brazilit. Barcelona e ka paralajmëruar se ka kontratë deri në fund të Ligës së Kampionëve dhe se sjellja e tij mund të ketë pasoja serioze.
Lojtari duket se është i gatshëm të vuajë pasojat dhe nuk mendon, tani për tani, të bashkohet me skuadrën.
Top Channel
