LAJM I FUNDIT/ Sulm me thikë në një shkollë në Francë! Humb jetën një student, plagosen tre të tjerë 24/04 14:46
Ish-kryebashkiaku i Shkodrës, Bardh Spahia, është paraqitur në Gjykatën e Posaçme mëngjesin e kësaj të mërkure.
Pas daljes nga GJKKO, dha një prononcim për gazetarët ku u shpreh se akuza ndaj tij nuk qëndron, raportoi Anila Hoxha, gazetare e Top Channel.
Demokrati tha se akuza është ngritur mbi baza e porosi politike, teksa theksoi se këto do të marrin përgjigjen e duhur më 11 maj, ditën e zgjedhjeve parlamentare.
“Ishte formalitet i gjykatës për ta dërguar çështjen time për gjykim. Sigurisht unë nuk pranova gjykimin e shkurtuar, kërkova gjykimin normal duke qene i bindur se është padi e përgatitur në zyrat e PS, të cilët përdorin një person të dënuar për vjedhje dhe korrupsion, për të ngritur padi ndaj meje për ta përdorur politikisht në kohë elektorale.
Akuza nuk qëndron. Në gjithë veprimtarinë time kam patur udhërrëfyes zbatimin e ligjit dhe mbrojtjen e interesave të qytetarëve të mi.
Kam zbatuar vetëm ligjin. Akuza dhe padia është e ngritur mbi baza dhe porosi politike që do marrin përgjigjen e duhur më 11 maj. Nuk do të na ndalojnë, frenojnë apo ngadalësojnë në rrugën e fitores më 11 maj.
Akuza është qesharake, absurde. Bëhet fjalë për një padi për shkarkimin e një ish-drejtori që kam qenë kryetar i bashkisë, dhe në funksionin e kryetarit të asamblesë së SHA Ujësjellësi Shkodër”, tha ai.
Top Channel
