Ekspozita dhe libri “arkitektura dhe dizajni shqiptar”, paraqet një përmbledhje të përzgjedhur të projekteve novatore të realizuara në kontekstin lokal, ku secili nga këto projekte është dëshmi e vizionit të arkitektëve të talentuar të 35 studiove shqiptare.
Konsideruar si një simfoni e tregimit pamor dhe narracionit të evolucionit të arkitekturës në vitet e fundit, autoret e këtij libri, Shefi i Departamentit të Arkitekturës në Fakultetin Shtetëror të Arkitekturës dhe Urbanistikës, arkitekt Florian Nepravishta, dhe arkitektja Fiona Nepravishta, synojnë të promovojnë krijimtarinë e arkitektëve shqiptare dhe të prezantojnë eksperiencat më të mira tek komuniteti i arkitekteve e urbanistëve, qytetarëve dhe dashamirësve të arkitekturës.
Të gjithë këto projekte, ku një pjesë prej tyre të zbatuara e një pjesë ende jo, me funksione të ndryshme, nga banesat individuale e kolektive, e deri tek ato me karakter social-kulturor, arsimor, shërbimesh e tregtar, të shpërndara gjeografikisht kryesisht në pjesën Perëndimore dhe qendrore të Shqipërisë, tentojë t’u afrohen në koncept-ide, formë dhe arkitekturë shumë prej objekteve nga më moderne e të kohës në vendet më të zhvilluara perëndimore.
Top Channel
