Zjarri mbi Dukat merr përmasa më të mëdha, përhapet drejt Malit të Çikës. Nis ndërhyrja nga ajri me dy avionët “Air Tractor” 21/08 08:09
Skema e ngjyrave
Madhësia e shkrimit
Këtë të martë, në ceremoninë shtetërore të funeralit të Presidentit të 11-të të Italisë ishte edhe bashkëshortja 88-vjeçare e Giorgio Napolitanos- Clio.
Për gruan që tani qëndronte mbi një karrocë me rrota, Giorgo Napoletano ka folur për herë të fundit në vitin 2016.
“Unë jam një monogamist i pabindur”, e cilësoi Giorgio Napolitano veten e tij në një intervistë me Maurizio Costanzon në tetor të vitit 2016, pothuajse dy vjet pasi u largua përgjithmonë nga Quirinale.
Teksa fliste për gruan me të cilën jetoi për 64 vite, ai rrëfente se e kishte njohur në Napoli dhe u fejuan në Romë. “Takoheshim shumë në restorant, aq sa ajo më tha se isha i uritur…jo i dashuruar”, kujtoi Napoletano asokohe.
Fotoja e fundit publike e Giorgio dhe Clio Napolitanos së bashku daton në 14 janar 2015, ditën kur ata zbritën nga kodra më e lartë në Romë për t’u kthyer në shtëpi, në lagjen Monti. Clio, njihet si një ish-Zonjë e Parë gjithmonë alergjike ndaj ceremonive në 9 vitet që kaloi përkrah Presidentit të njëmbëdhjetë të Republikës.
Zonja Napolitano ka qenë juriste e Lidhjes së Kooperativave deri në vitin 1992. Ata të dy u takuan në vitin 1959 në Romë, ku ajo ishte zhvendosur nga provinca e Ankonës për t’u trajnuar në një firmë ligjore dhe Napolitano ishte një udhëheqësi i ri premtues PCI.
Ata u martuan me një ceremoni civile në Romë pas disa muajsh fejesë dhe shkuan të jetonin në Napoli. Ajo, e bija e dy komunistëve të arrestuar nga fashizmi që e ngjizën gjatë izolimit politik në Ponza. Clio u quajt kështu sepse në ishullin e të izoluarve ishte një komunist grek që kishte një vajzë me atë emër.
Çifti Giorgio-Clio u zhvendos në Romë në vitin 1966, kur Napolitano, i cili tashmë ishte deputet që nga viti 1953, u thirr në drejtimin kombëtar të partisë në Botteghe Oscure. Ata shkuan të jetonin në apartamentin në Monti, i njëjti ku do të kthehen pas largimit nga Quirinale.
Ata kishin dy djem, Giovanni dhe Giulio. Një çift i pandashëm, ata gjithmonë kanë pushuar së bashku në Luginën e Pusterias dhe veçanërisht në Stromboli.
Top Channel
