E ardhmja e Lionel Messit është në qendër të merkatos teksa së fundmi mediat franceze e bëjnë fakt të kryer transferimin e sulmuesit në Arabinë Saudite tek klubi i Al Hilal.
Të gjithë kanë nisur të ëndërrojnë sërish për një duel mes Cristiano Ronaldos dhe Lionel Messit, ashtu si në periudhën e artë kur të dy aktivizoheshin në elitën spanjolle.
Por, ai që për momentin ndalon entuziazmin e tifozëve në Arabi është babai i argjentinasit, Jorge. Ky i fundit thekson se nuk ka asnjë akord mes Messit dhe klubit të Al Hilal ndërsa shtoi se e ardhmja e djalit të tij do të vendoset vetëm në fundin e sezonit aktual.
“Nuk kemi asnjë marrëveshje për sezonin 2023-2024. Messi nuk ka akord me asnjë klub dhe të ardhmen do ta vendosë në fundin e sezonit. Këta janë lajme të rreme me media që përdorin emrin e Messit thjesht për të marrë vëmendje”, u shpreh Jorge Messi.
Top Channel
