VIDEO/ Supergol në Champions-in e të rinjve, talenti nga Kosova “luan” me mbrojtësit dhe ndëshkon ekipin serb 27/11 16:58
Pasi mbylli aventurën me Portugalinë, tashmë trajneri Fernando Santos është prezantuar te Polonia.
Tekniku portugez do ë provojë të polakët në Europianin e vitit 2024 që zhvillohet në Gjermani. Fushata eliminatore është “pas dere” teksa në muajin mars, Polonia do të nisë rrugëtimin e saj teksa është shortuar në Grupin E së bashku me Republikën Çeke, Shqipërinë, Moldavinë dhe Islandën.
Në konferencën e prezantimit, trajneri Santos iu dërgoi një mesazh të pastër kundërshtarëve të grupit duke theksuar se qëllimi i tij i vetëm është kualifikimi për në Europian ndërsa shtoi se nuk e njeh humbjen.
“Objektivi është të kualifikohemi për në Europian, por është e rëndësishme edhe të ecim para me projektin e të marrim fitore. Unë dua të fitoj gjithçka, kjo është ambicia ime. Nuk kam ardhur për të humbur te Polonia, unë nuk e njoh humbjen. E rëndësishme është që para fushatës eliminatore t’i njohim mirë kundërshtarët, Federata më ka prezantuar një projekt dhe për mua është e rëndësishme që edhe te Polonia të bëj atë çfarë kam bërë në detyrat e mëparshme.
Dua të lë gjurmë dhe të ndihmoj në ndërtimin e së ardhmes”, u shpreh Santos që ndeshjen e parë zyrtare në krye të Polonisë do ta luaj më datë 24 mars ndaj Republikës së Çekisë dhe vetëm tre ditë më pas do të presë në shtëpi Shqipërinë.
Top Channel
