Asllani firmos me Interin/ Talenti shqiptar 20-vjeçar u ble për 14 milionë euro

Asllani kaloi nga Empoli tek Interi ku e pret një eksperiencë e jashtëzakonshme pasi do të luajë në një nga klubet më të mirë në Europë.

Mesfushori kuqezi vlerësohet maksimalisht nga ekspertët Italian të futbollit. Lela Adani, opinionist futbolli në Itali, tha pak ditë më parë se Asllani është lojtari i ri, më i mirë i kampionatit italian. Dhe kush do ta marrë, ka bërë një goditje të madhe që do ta kuptojë me kalimin e kohës”.

Adani përgëzon Interin që siguroi kartonin e lojtarit shqiptar por kritikoi skuadrën kombëtare italiane të futbollit, që nuk e grumbulloi asllanin me ekipin katër herë kampion bote.

“Unë pastaj pyes veten: Ky djalë jeton dy hapa larg Empolit që nga mosha 2-vjeçare. Si është e mundur që federata italiane nuk i ka parë cilësitë e tij dhe federata shqiptare po? Kush e merr përgjegjësinë?”

Kostoja totale e operacionit të trasferimit të asllanit në Milano shkon në 14 milionë euro.

Detyra e mesfushorit shqiptar nuk do të jetë e lehtë, pasi zikaltërit e kanë marrë për të zëvendësuar Brozovic, i vetmi lojtari te Interi, që nuk kishte kush të zëvendësonte.

Ndërsa talenti tjetër shqiptar Armando Broja mund të qëndrojë te Chelsi që ka në pronësi kartonit të tij, tashmë që u Lukaku u largua tek Interi. Tomas Tuchel po mendon ta testojë 21-vjeçarin shqiptar gjatë verës, edhe pse nuk mungojnë ofertat për Brojën nga klubet e tjera. Mediet në ishull njoftuan se West Ham është gati ti paguajë Chelsit 40 milionë euro për Brojën që do të ishte dhe shifra më e lartë për një lojtar shqiptar në histori. ndërkohë që Napoli në Itali dhe arsenal në Angli kanë shprehur interes për Brojën.

Armando Broja shënoi sezonin e shkuar 7 gola me Sauthamton ku luajti në huazim, duke dhuruar paraqitje të një niveli shumë të lartë, aq sa tërhoqi interesin e klubeve historike në Europë.

Top Channel