Përdorimi i raketave amerikane nga Ukraina, Putin kërcënon me përdorimin e armëve bërthamore. Ja vendimi i fundit që ka marrë 19/11 12:07
Shefi i Organizatës së Kombeve të Bashkuara, Antonio Guterres, ka paralajmëruar të premten emetimet globale po e vendosin botën në një rrugë “katastrofike” drejt një ngrohjeje prej 2.7 gradë Celsius, teksa presidenti amerikan Joe Biden i bëri thirrje botës që të japin maksimumin në samitin e OKB-së mbi ndryshimet klimatike që pritet të mbahet në nëntor.
Guterres i bëri këto komente pasi një raport i OKB-së i muajit të kaluar, njoftoi se nuk po përmbushet marrëveshja e Parisit për klimën, për të kufizuar ngrohjen globale në 1.5 Celsius.
“Kjo është thyerje e premtimit të bërë gjashtë vjet më parë, për të ndjekur qëllimin prej 1.5 gradë Celsius të Marrëveshjes së Parisit”, tha Guterres, duke iu referuar marrëveshjes së viti t2015 të arritur në kryeqytetin francez.
Shtetet e Bashkuara dhe 27 vende të Bashkimit Evropian vendosën objektiva më të ashpëra të zvogëlimit të emetimeve këtë vit. Por vendet si Kina, India dhe Arabia Saudite janë ndër ato që nuk kanë paraqitur objektiva të reja sa u përket emetimit të gazrave, raporton REL.
Trajtimi i ndryshimeve klimatike është një nga prioritetet kryesore të Biden brenda dhe jashtë vendit, dhe konferenca e OKB -së për klimën në Glasgou shihet si një moment kritik për botën që të angazhohet për të bërë më shumë për të ndaluar rritjen e temperaturave.
Top Channel
